Siglir tar il cuntegn
Inhalt

Svizra Posta fa tests cun dronas da pachets

La Posta svizra vegn forsa a trametter ina giada ses pacs cun dronas. Ensemen cun la divisiun per vitgira aviatica da la societad aviatica Swiss e cun il constructur da dronas Matternet examinescha ella actualmain questa pussaivladad.

Drona da pachets da la Posta tudestga DHL.
Legenda: Drona da pachets da la Posta tudestga DHL. Reuters

Ils emprims tests vulan ins far questa stad. La finamira dal project saja d'evaluar il potenzial da questa tecnologia. In pledader da La Posta ha confermà in rapport dal «Sonntagsblick».

En ils tests da la stad vai en emprima lingia per studis davart la realisabladad, per che las cundiziuns da basa giuridicas possian vegnir scleridas.

L’idea da trametter pachets per dronas n’è betg nova. Amazon aveva lantschà ella la fin 2013. Era Google aveva fatg tests e la Posta tudestga ha curt suenter fatg emprims sgols da tests cun il «DHL-Paketkopter». Dapi la fin da l’onn passà porta quest apparat uss medicaments sur la Mar dal Nord sin l’insla Juist.

RR novitads 14:00