Svizra - Post da cussegliaziun per dretg da lavur ed egualitad periclità
Cun ina brev averta è la rait plusplus.ch, a la quala era Centrala da dunnas grischuna appartegna, sa drizzada al Cussegl federal. Ella supplitgescha il Cussegl federal da desister da las midadas da las prioritads per surdar agid finanzial als posts da cussegliaziun.
Sch'il Cussegl federal na midia betg opiniun, ristgia il Grischun da perder il sulet post da cussegliaziun dal fatg en il Grischun che porscha cussegliaziun giuridica areguard il dretg da lavur e d'egualitad.
Gist per il giubileum da 20 onns lescha d'egualitad vegniss uschia in impurtant artitgel da questa lescha, per il qual bleras dunnas hajan cumbattì, facticamain mess ord vigur.
