Siglir tar il cuntegn
cuntegn

Svizra Populaziun svizra sa senta segira e fida ad autoritads e armada

Quai mussa in studi fatgs da l’academia militara a l’ETH da Turitg.

Polizist sin via
Legenda: La populaziun svizra fida a las autoritads. Keystone

La tenuta fundamentala en Svizra è vegnida pli positiva. Quai demussa il studi «Segirtad 2018» da l'academia militara da la Scola politecnica da Turitg e dal Center for Security Studies. Svizras e Svizzers sa sentan fitg segirs, miran significantamain pli optimistic en l’avegnir e fidan a las autoritads ed instituziun surproporziunalmain fitg. Er envers l'armada svizra ha la populaziun ina tenuta positiva.

Ina gronda prioritad dattan els al cumbat cunter il terrorissem - er sche quai vess da restrenscher las atgnas libertads. Varga 9 da 10 è dentant conscient ch'i na dat betg ina segirtad absoluta e ch'ins sto viver cun malsegirtad.

Pli optimistic che l’onn passà

Marcantamain dapli persunas valiteschan l’avegnir da nossa tiara a moda optimistica. Il dumber è s'augmentà per 5% sin 87%. Svizras e Svizzers prefereschan plinavant ina Svizra neutrala, politicamain autonoma. Cooperaziuns vulan els mo en la sparta economica.

RR novitads 11:00