Siglir tar il cuntegn

Svizra Populaziun svizra crescha damain

La populaziun Svizra è cun 0,7% creschida main fitg l'onn 2017.

Persunas.
Legenda: La fin dal 2017 dumbra la Svizra 62'600 novs abitants. (maletg simbolic) Keystone

La fin da l'onn 2017 dumbrava la Svizra 8'482'200 abitants, quai èn 0,7% dapli che l'onn avant. La quota da creschientscha è damai crudada sut il cunfin dad 1% ed è uschia stada considerablamain pli bassa ch'ils davos 10 onns.

Ì enavos è l'augment tenor las cifras da l'Uffizi federal per statistica cunzunt tar persunas da l'exteriur che vivan en Svizra.

Mo Tessin e Neuschatel na dumbran betg dapli abitants

S'augmentà è il dumber dentant en tut ils chantuns, cun excepziun dal chantun Neuschatel e dal chantun Tessin. En il Chantun Neuschatel è il dumber betg creschì perquai che tantas persunas èn emigradas ed e il Tessin vai enavos sin in surpli da mortoris.

En Grischun vivevan la fin da l'onn passà 197'000 persunas. Il dumber è damai s'augmentà per 0,4% entaifer il davos onn.

Dapli dunnas che umens

Sch'ins resguarda la populaziun svizra totala, datti sin 100 dunnas datti en Svizra mo 94 umens. Sulettamain en l'Appenzell Dadens, en la Sutsilvania, en il chantun Sviz ed en l'Uri èn ils umens la ferma schlattaina.

RR novitads 10:00