Svizra - Populaziun duai gidar a tschertgar il delinquent
La procura publica da Lucerna supplitgescha la populaziun da gidar a tschertgar l'um che ha violà ina dunna da 26 onns ils 21 da fanadur ad Emmen en il chantun da Lucerna.
La polizia ha publitgà in catalog cun dumondas ed offrescha ina remuneraziun da fin 10'000 francs. La polizia vul tranter auter savair sch’era autras dunnas èn vegnidas mulestadas sexualmain en vischinanza dal lieu dal delict. Tenor ils medis da paraplegia da Nottwil è la dunna ch'è vegnia violada paralisada dapi il delict.
