Ensemen cun sia dunna e giasts ha Parmelin fatg il viadi en in tren spezial da Berna a Nyon. Sin viadi ha il tren tegnì a Friburg, ad Oron ed en la chapitala dal Vad Losanna. Là han ils zains tutgà per onurar il nov cusseglier federal.
El saja segiramain in zic gnervus, dentant saja el era ventiraivel da returnar per in bel di en ses chantun, a ditg il futur minister da defensiun. Ed a la fin ha Parmelin ditg, ch’el saja pur, e pur restia el en ses cor.
Johann Schneider-Ammann arriva en il fraid
Ed a Langenthal ha la populaziun beneventà cordialmain il nov elegì president da la Confederaziun, Johann Schneider-Ammann. El sa legria da finalmain esser a chasa, ha Schneider-Ammann ditg. Sco mat or dal Emmental haja el d’engraziar bler a la citad, la finala haja el visità qua las scolas e saja stà blers onns activs sco interprendider.
RR Novitads 21:00