En Svizra è il dumber da lufs creschì. Tenor l’ultima analisa da la gruppa «Luf Svizra» vivan actualmain almain set trieps qua. Avant in onn eran quai anc quatter trieps. Set trieps correspundan a var 60 fin 70 lufs. Ils lufs vivan en ils chantuns Grischun, Vallais e Vad. Plinavant datti era singuls animals en l’Oberland Bernais ed en la Svizra centrala.
Tenor las indicaziuns da «Luf Svizra» pudessan er tut en tut fin a nov trieps viver en Svizra. Tar dus trieps en la regiun dal massiv dal Calanda ed en la Valle Morobbia en il Tessin saja il status actual betg cler. «Luf Svizra» ha confermà en la communicaziun ch'i dat set trieps da lufs che sa reproduceschan: Trais vivan mintgamai en il Grischun ed il Vallais, in ulteriur è da chasa en il chantun Vad.
En l’Europa dal vest è il luf vegnì extirpà bunamain dal tuttafatg en il 20avel tschientaner. L’onn 1995 èn lura ils emprims lufs puspè vegnids en Svizra.
Adattà al tema
RTR novitads 09:00