Polo Hofer è Svizzer da l’onn

Il publicum svizzer ha elegì il chantadur bernais Polo Hofer cun passa 31% da las vuschs. L'emissiun Swiss Awards è vegnida emessa per l'ultima giada.

Polo Hofer ensemen cun la moderatura Christa Rigozzi.

Legenda da maletgs: Polo Hofer ensemen cun la moderatura Christa Rigozzi. Keystone

Polo Hofer, che ha 70 onns, ha survegnì var in terz da las vuschs dal public. En tut eran 19 persunas nominadas, tranter auter Stan Wawrinka e Daniela Ryf. L’onn passà era il cusseglier federal Didier Burkhalter daventà Svizzer da l’onn.

resultat dail televoting «Svizzer da l'onn» 2015

rang
num
pertschient
1Polo Hofer
31.19
2Katrin Hagen
14.34
3Stan Wawrinka
9.49
4Heidi Tagliavini
6.71
5Daniela Ryf
5.91

«Life Time Award» per Bruno Ganz

Il premi per l'ovra da la vita va a l'actur cun renum internaziunal Bruno Ganz. L’um da 74 onns ha giugà si’emprima rolla en in film cun 19 onns, ed è dapi decennis in actur tschertgà per producziuns da teater e da film.

Era undrà ina dunna grischuna

En la categoria societad survegn ina Grischuna il premi. La chirurga Katrin Hagen da San Murezzan è vegnida undrada per ses engaschament en il Nepal. Dapi il 2011 offrescha ella duas giadas l’onn a fin a 1’200 persunas la pussaivladad da sa laschar intercurir. E per fin a 90 pazients datti la finala in’operaziun ortopedica.

RR Novitads 23:00