Polizia arresta 1 persuna pervi da smanatscha da bumba a Basilea

In Svizzer da 34 onns ha provocà ina gronda operaziun da polizia e pumpiers sonda saira a Basilea.

binaris e tren a la staziun da basliea

Legenda da maletgs: Tenor la Polizia chantunala na deva quai nagin mument in privel da vita per persunas a la staziun da Basilea. Keystone

Tenor l'agentura da novitads sda ha l'um smanatschà da far explodir ina chargia explosiva en ina valisch a la staziun da Basilea. L'um è vegnì arrestà.

Nagina bumba en la valisch

Spezialists da la Polizia chantunala da Basilea e da la Polizia da la citad da Turitg han controllà la valisch. Ella na cuntegneva nagina chargia explosiva. La procura publica ha avert ina procedura cunter il Svizzer, perquai ch'el ha smanatschà e spaventà la popolaziun.

RR novitads 06:00