Siglir tar il cuntegn

Header

Navigaziun

Banchier.
Legenda: Resta tar sia politica monetara expansiva: Thomas Jordan. Keystone
cuntegn

Svizra Politica monetara resta tuttina

La Banca naziunala svizra resta tar sia politica monetara da tschains negativs. Ella lascha il tschains tar -0,75%.

  • La Banca naziunala lascha il tschains negativ tar -0,75% per daners che bancas deponan tar ella a curta vista.
  • Il tschains da referenza «Libor da trais mais» resta tar -1,25% e -0,25%.
  • La Banca naziunala valitescha il franc svizzer plinavant sco survalità.

La Banca naziunala svizra cuntinuescha cun sia politica monetara. Ella na mida betg ils tschains negativs, era sch’il franc svizzer è vegni pli ferm l’ultim temp. La Banca naziunala restia er vinavant activa al martgà da devisas per flaivlentar il franc, han communitgà ils responsabels da la banca. Ella avertescha en pli da situaziuns politicas malsegiras, sco per exempel da la politica da l’exteriur da la nova regenza americana.

Flaivlentar il franc

Ils tschains negativs e las intervenziuns al martgà da devisas sajan meds per ch'i vegnia investì pli pauc en il franc svizzer, ha punctuà la banca naziunala. Uschia sa reduceschia il squitsch sin il franc che saja anc adina survalità.

In zic dapli chareschia

Ultra da quai ha la Banca naziunala svizra auzà sia prognosa d'inflaziun sin 0,3% per l'onn current. Per il 2018 quinta ella cun in'inflaziun da 0,4%. Il 2019 duai la prognosa d'inflaziun muntar a 1,1%.

RR novitads 11:00