Siglir tar il cuntegn

Header

video
Simonetta Sommaruga davart ils proxims pass areguard il clima
Or da News-Clip dals 17.09.2021.
laschar ir. Durada: 21 Secundas.
cuntegn

Politica dal clima Cussegl federal instradescha nova lescha per il clima

Il Cussegl federal vul trametter en consultaziun fin la fin da l'onn in nov project da lescha, quai per stgaffir ina basa vasta per la politica dal clima dal futur. Las finamiras da la politica dal clima duain restar las medemas: La Svizra duai reducir sias emissiuns fin il 2030 per la mesadad da las qualas d'il 1990. Uss duai il Departament federal per ambient, traffic, energia e communicaziun elavurar ina proposta correspundenta.

En prima lingia duai il text da consultaziun tractar mesiras che pussibliteschan a la populaziun ina reducziun da CO2 durant il mintgadi. Er duain vegnir sustegnids stentas actualas da las differentas branschas en chaussa.

La politica dal clima duai en futur sa basar sin ina maschaida dad instruments. Uschia veglian ins far pli attractiv la taxa da CO2 ed augmentar la promoziun.

Las stentas sin il champ da clima vegnan accumpagnadas tras mesiras definidas en il sectur d'energia. Il Cussegl federal ha en sia sesida dals 18 da zercladur approvà la missiva per in provediment d'electricitad ed energias regenerablas. Cun questa proposta vul il Cussegl federal rinforzar tranter auter il svilup dad energias regenerablas indigenas.

RTR novitads 14:00

Artitgels legids il pli savens