Siglir tar il cuntegn

Svizra Politica da sanadad da Berset a reguard Tarmed confermada

Il Cussegl federal po resguardar interess politics tar adattaziuns da Tarmed. Uschia ha decidì oz la dretgira federala ed approvà ina reclamaziun dad ina cassa da malsauns. Ina clinica aveva tramess quints a la chascha cun ina tariffa fallada e betg cun quella che il Cussegl federal aveva decis.

Success per Berset davant dretgira.
Legenda: Success per Berset davant dretgira. Keystone

La decisiun da la dretgira federala conferma la politica da sanadad dad Alain Berset. Uschia na po il cusseglier federal betg mo intervegnir, sche ils partenaris da tariffa (medis, ospitals e chaschas da malsauns) na èn betg per ina, mabain era ord interess politics. Pia sco en quest cas, pervia dals auts custs da sanadad.

Avess la dretgira federala decis auter, avess quai mess en dumonda la politica da sanadad dad Alain Berset. Sias pussibilitads dad intervegnir fissan vegnidas sminuidas.

Tarmed è la tariffa per medis e regla quant che in medi po pretender per exempel per studegiar actas ni prender giu sang. Uschia regla Tarmed era quant che medis gudognan e pazients e cassas da malsauns ston pajar.

RR novitads 17:00