Siglir tar il cuntegn

Header

cuntegn

Politica da clima La nova lescha da CO2 va en consultaziun

Dar impuls e promover investiziuns enstagl d'incassar novas taxas. Quai è la strategia dal cussegl federal per la revisiun da la lescha da CO2. Oz ha el tramess quella en consultaziun.

Il Cussegl federal ha cumenzà la consultaziun davart la lescha revedida da CO2, che vala davent il 2025 fin 2030.

Lescha cun nov focus

Cun la lescha da CO2 vul il Cussegl federal reducir da gas cun effect da serra fin il 2030 sin la mesadad dal 1990. Novas taxas datti dentant betg. Quellas eran stadas il zercladur passà la raschun ch'il pievel ha renvià la lescha. Enstagl sa focusescha il Cusselg federal sin promoziuns sistematicas ed investiziuns – quai principalmain en il sectur d'edifizis ed ils secturs da mobilitad.

Sustegn finanzial da la Confederaziun

Cun la nova proposta po la Confederaziun metter a disposiziun tranter ils onns 2025 e 2030 in total da 2,9 milliardas francs per la sanaziun d'edifizis e per ina midada sin indriz da stgaudar ch'èn pli favuraivlas al clima. Latiers vegnian meds finazials annuals per amplifitgar l'infrastructura per chargiar autos electrics, per midar sin bus electrics en il traffic local e regiunal u per la garanzia da la ristga durant sviluppar las raits da chalur a distanza.

En emprima lingia duain las mesiras pussibilitar cunzunt a la populaziun da reducir las emissiuns da CO2 en il mintgadi.

RTR novitads 15:00

Artitgels legids il pli savens