Siglir tar il cuntegn

Header

Navigaziun

Um dasper vatgas.
Legenda: Il president da l'Uniun purila svizra Markus Ritter pretenda pretschs pli fairs per products agrars (archiv). Keystone
cuntegn

Svizra Politica agrara: Purs rinforzan lur critica

L'Uniun purila svizra crititgescha ils pretschs memia bass per products agrars e l'avertura dal martgà ch'il Cussegl federal planisescha.

L'Uniun purila svizra dat tras la tariffa gia l'entschatta da l'onn. Da sia conferenza da medias a Derendingen en il chantun Soloturn ha ella ditg ch'ina agricultura persistenta na saja betg pussaivla cun pretschs dal martgà mundial. I dovria in commerzi fair.

Pretschs da producziun bass ed entradas bassas mainian al fatg che blers purs e bleras puras tschertgian lavur insanua auter. I dovria perquai pretschs adequats che cuvrian ils custs e las investiziuns dal futur.

Cunzunt en l’economia da latg saja la midada da structura marcanta. En quest sectur vivian blers purs da la substanza e na possian far naginas investiziuns necessarias.

RR novitads 11:00