Siglir tar il cuntegn
Inhalt

Svizra Politica agrara: Cussegl naziunal refusa rapport

Il Cussegl federal duai tranter auter eliminar l'opziun da futuras cunvegnas da commerzi liber.

Vatgas en uigl ed in pur che mulscha.
Legenda: L'uniun purila svizra ha cumbattì vehement cunter il rapport dal Cussegl federal. Keystone

Ils represchentants dals purs han pudì sa metter tras en il Cussegl naziunal. Uschia refusa la chombra gronda il rapport dal Cussegl federal areguard la politica agrara suenter ils onns 2022 cun 108 cunter 74 vuschs. Il Cussegl federal vuleva avrir ils cunfins per products agrars ed era negoziar novas cunvegnas da commerzi liber. L’uniun dals purs era da l'avis che la basa d’existenza da blers purs saja cun quests pass periclitada.

En il Cussegl dals chantuns è la situaziun differenta. La cumissiun da la chombra pitschna ha gia annunzià ch'ella n'haja nagina chapientscha per la posiziun dal Cussegl naziunal. Ella proponia d'acceptar il rapport.

RR actualitad 07:00