Tenor in studi da l'interpresa da cussegliaziun PricewaterhouseCoopers han las Svizras ed ils Svizzers dà ora l'onn passà 13 milliardas francs per medias e divertiment.
Potenzial da crescher hajan surtut plattafurmas che concentreschian ils cuntegns u porschian models da streaming ed abunaments. Per ils utilisaders saja numnadamain adina pli impurtant da consumar cuntegns enstagl da posseder quels, decleran ils auturs dal studi. Interpresas svizras ston guardar da betg perder l’attatg en la concurrenza internaziunala che vegn adina pli ferma.
RR novitads 12:00