Siglir tar il cuntegn

Header

cuntegn

Svizra Plus 5% svieuta per il Grand Resort a Bogn Ragaz

Il Grand Resort Bad Ragaz ha fatg cun 55,8 milliuns francs ils emprims sis mais 2016 per 5% dapli svieuta ch’èn la medema perioda dal 2015.

A l’augment da la svieuta han contribui tenor ina communicaziun dal Grand Resort differents facturs: Uschia saja grategià da rinforzar la posiziun dal resort sco impurtant «Wellbeing & Medical Health Resort» in Europa. Part vi dal success hajan er il nov restaurant da gourmet Igniv dad Andreas Caminada, il Casino Bogn Ragaz e la Tamina Therme.

Quests affars fan part cun ils dus hotels da luxus Quellenhof e Spa Suites e l’hotel Wartenstein, il center medicinal, ina clinica e dus plazzas da golf al cumplex dad affars dal Grand Resort Bad Ragaz.

Marco R. Zanolari vegn nov manager general dals Grand Hotels

Il midament a la testa succeda in november. Lura surprenda Marco R. Zanolari, oriundamain da Cuira, da ses antecessur Thomas Bechtold da manar ils Grand Hotels.

La segunda mesadad da l'onn vegn il Grand Resort ad investir en ina nova chasa da club per il club da golf Bad Ragaz. Quella duai vegnir averta ils 30 avrigl 2017.

RR novitads 10:00

Artitgels legids il pli savens