Siglir tar il cuntegn

Svizra Pli paucs uffants cun surpaisa

Il dumber d'uffants e giuvenils che han surpaisa diminuescha vinavant en Svizra. Quai demussan las novas cifras da la fundaziun «Promoziun da sandadad Svizra».

Uffant cun in gross venter.
Legenda: En la scola superiura sa mussan strusch meglieraments. Keystone

Entant èn 16,7% dals uffants e giuvenils memia gross. Quai èn 0,3% pli pau che l'onn avant. Cunzunt en las scolinas dettia oz pli paucs uffants cun surpais. La è la quota sa sminuida per 2,2% sin 11,4%. Sin il stgalim mesaun è bain mintga tschintgavel uffant memia gross, dentant mussan las cifras era en quest sectur in digren da 1,1%. En il stgalim superiur è la quota cun 24,2% il pli auta.

Prevenziun gida

Il zenit è stà l'onn 2010/2011: Lura eran 20,1% dals uffants e giuvenils memia gross, pia stgars 4% pli blers ch'oz. Tenor «Promoziun da sandadad Svizra» saja quai trend ad engraziar als strapatschs da l'organisaziun.

Per chattar or questas cifras ha la «Promoziun da sanadad Svizra» evaluà l'index body mass (BMI) da stgars 14'000 uffants en las citads Basilea, Berna e Turitg.

RR novitads 17:00