Siglir tar il cuntegn

Svizra Pli paucs morts en muntogna

103 persunas èn mortas tar il sport alpin en las Alps Svizras ed en il Giura. Quai èn 8 pli pauc che l'onn precedent.

Muntognas.
Legenda: L'onn 2017 han pli paucas persunas pers la vita en las muntognas. (maletg simbolic) Keystone

L'onn 2017 hai dà 8% pli paucs accidents mortals en las muntognas. Anc 103 persunas han pers la vita. Quai declera il club alpin svizzer cun la pauca naiv l'enviern e l'aura variabla la stad.

80 dals 103 accidents mortals hai dà pervia da quai ch'ils pertutgads èn crudads giu da las muntognas.

Dapli viandants han gì accidents mortals

Sa reducì è il dumber d'accidents mortals tar turas da skis, tar turas autas sco era cun rampignar. Ed er cleramain pli paucas persunas èn mortas en ina lavina. Il 2017 èn 14 umans morts pervia d'ina lavina, l'onn precedent eran quai 7 dapli. Dapli accidents mortals hai mo dà tar viandants.

Pervi da bovas e crappa èn mortas 12 persunas – 8 dad ellas en la bova da Bondo.

Accidents mortals

  • viandar: 43 accidents mortals
  • turas autas: 21 accidents mortals
  • lavinas: 14 accidents mortals
  • bovas: 12 accidents mortals
  • turas da skis: 10 accidents mortals
  • rampignar: 2 accidents mortals

Salvadas èn il 2017 totalmain vegnidas 2'712 persunas en las Alps Svizras ed en il Giura.

RR novitads 12:00