Siglir tar il cuntegn

Svizra Pli paucs dorman en albierts per la giuventetgna svizzers

L'onn passà han marcantamain damain persunas pernottà en las jugis svizras.

Chombra dad ina jugi
Legenda: Las pernottaziuns èn ils albierts per la giuventetgna svizzers sa reducids il 2015 per passa 14%. Keystone

L'onn passà èn marcantamain damain persunas stadas sur notg en ils albierts per la giuventetgna svizzers. Cumpareglià cun l'onn avant han ils 51 albierts per la giuventetgna stuì nudar in minus da 14,4% cun 814’000 pernottaziuns. Quai demussan las novas cifras da l'Uffizi federal per statistica.

Tar ils campadis è la reducziun moderada cun in minus da 0,6%. Tut en tut han ils 410 campadis en Svizra nudà 2,7 milliuns pernottaziuns.

Las cifras negativas stettian surtut en connex cun l'aboliziun dal curs minimal da l'euro. Quai scriva l'Uffizi federal da statistica.

RR novitads 12:00