Siglir tar il cuntegn
Inhalt

Svizra Pli paucs cas da lavur secreta en Svizra

Malgrà damain cas da suspect na sa reducescha la lavur secreta però betg en general en Svizra.

In lavurer da construcziun en la umbriva, uschia ch'ins vesa mo las conturas.
Legenda: Ils chantuns han annunzià l'onn passà damain cas da suspect da lavur secreta. Keystone

L'onn passà han ils organs da controlla chantunals annunzià passa 13'000 cas da suspect da lavur secreta. Quai èn 12% damain che l'onn avant. Tenor il secretariat da stadi SECO na saja quai però betg in indizi che la lavur secreta prendia giu. Ils chantuns han examinà 170'000 persunas e passa 44'000 interpresas, sch'ellas sa tegnian vi da las cundiziuns da paja e lavur. Tar quellas controllas han las cumissiuns tripartidas chantunalas dentant constatà ch'il dumber da pajas memia bassas è creschì da 11 sin 13%.

Per l'uniun tetgala da sindicats, TravailSuisse, mussa il rapport che las mesiras flancantas sajan in instrument effectiv. El fa attent che questas na dastgian betg vegnir unfridas en il poker davart ina nova cunvegna cun l'UE.

RR novitads 14:00