Siglir tar il cuntegn
Inhalt

Svizra Pli paucas unfrendas mortalas en lavinas

L’enviern 2016/17 hai dà en Svizra uschè paucas unfrendas mortalas en lavinas sco dapi 10 onns betg pli. En tut èn set persunas mortas en lavinas.

Fotografia d'in chaun che tschertga en la naiv da lavina.
Legenda: Pli paucas unfrendas mortalas en lavinas. Keystone

L’enviern passà hai dà en Svizra pli paucas unfrendas mortalas en lavinas. En tut èn set persunas mortas en lavinas enfin la fin da mars. 4 da quellas en il Vallais e mintgamai ina en ils chantuns Grischun, Uri e Sviz. Quai è frappant pli pauc che la media da 17 unfrendas dals davos 10 onns, sco l'institut da naiv e lavinas a Tavau communitgescha.

Pertge che quai saja uschia saja grev da dir. In factur pussaivel saja ch’i haja navì pir il schaner. Avant na saja praticamain betg stà pussaivel da far turas. Normalmain dettia gia tranter Nadal e Bumaun blers accidents da lavinas. In'autra raschun saja ch'ils skiunzs sajan daventads pli precauts.

RR novitads 18:00