Siglir tar il cuntegn
cuntegn

Svizra Pli paucas persunas han midà cassa da malsauns

Radund 660'000 persunas han midà dal 2017 sin il 2018 la cassa da malsauns, 0,4% pli pauc ch'il 2016. Quai demussa ina retschertga represchentativa dal servetsch da cumparegliaziun en l'internet, comparis.ch.

en l'ospital avant la porta dal center da cas d'urgenza
Legenda: 7,9% dals assicurads èn sa decidids da midar lur cassa da malsauns. Keystone

Tenor comparis.ch sajan las premias da las cassas da malsauns s'augmentadas per quest onn en media per 4,9%. Quai saja pli pauc ch'ils davos onns. Pli pauc che las premias s'augmentian e pli paucas persunas che midian la cassa, uschia l'argument.

Mintga terz s'infurmescha

Er tar il model d'assicuranza e da franschisa sa mussan las Svizras ed ils Svizzers resistents ad ina midada. Dal 2017 sin il 2018 èn 4,5% dals assicurads sa decidids per in auter model, 6,9% han u auzà u sbassà la franchisa. Er sche mo paucs midan effectivamain la cassa da malsauns, è mintga terza persuna almain s'occupada e s'infurmada davart ina midada da la cassa da malsauns.

RR novitads 10:00