Il schaner han 1'588 persunas dumandà asil en la Svizra. Quai èn 10 pertschient pli paucas ch'il december e cumpareglià cun il schaner 2016 passa la mesadad pli paucas persunas.
Quest svilup saja d'attribuir en emprima lingia a la ruta dal Balcan serrada, fa a savair il secretariat da stadi per la migraziun. Las pli bleras dumondas d'asil derivan anc adina da persunas da l'Eritrea e da Guinea:
Top quatter dals pajais da derivanza per dumondas d'asil
pajais da derivanza | dumondas d'asil schaner 2017 | dumondas d'asil december 2016 | augmentaziun/sminuziun |
Eritrea | 335 | 420 | -85 |
Guinea | 120 | 92 | +28 |
Siria | 113 | 160 | -47 |
Afghanistan | 99 | 85 | +14 |
Il secretariat dal stadi da migraziun ha evas il mais passà 2'625 dumondas d'asil. Sin 650 n'è betg vegnì entrà pervi da la cunvegna da Dublin, 533 persunas han survegnì asil e 674 persunas èn vegnidas prendidas si provisoricamain.
RR novitads 15:00