Siglir tar il cuntegn
Inhalt

Svizra Pli pauc engaschi finanzial cunter la povradad

Il Cussegl federal metta disposiziun pli pauc daners per cumbatter la povradad en Svizra.

Persuna povra viva en in suttetg per velos.
Legenda: 7,5% dals svizzers èn pertutgads da povradad. Keystone

Per far frunt a la povradad en Svizra avevan il Confederaziun, ils chantuns, las citads, las vischnancas ed organisaziuns nunguvernamentalas lantschà in program. Quel haja sa cumprovà e duai avair in futur. Dentant cun pli pauc sustegn finanzial da la Confederaziun: Era la Confederaziun ils davos quatter onns sa participada cun 9 milliuns francs, vul ella ils proxims 5 onns anc metter a disposiziun 2,5 milliuns francs.

Actualmain èn 7,5% dals svizzers pertutgads da povradad. Da questas 615'000 persunas èn 108'000 uffants. La quota è ils davos onns restada stabila, sch'era cun ina leva tendenza vers ensi, scriva l'Uffizi federal per statistica.

Definiziun da povradad

Tar quels 7,5% vegnan dumbradas persunas che han ina paja pli bassa che 2'247 francs al mais per ina persuna singula u 3'981 francs per in tegnairchasa cun dus creschids e dus uffants.

RR novitads 16:00