In studi da l'universitad da Neuchatel e da l'institut per la perscrutaziun da naiv e lavinas a Tavau (SLF) conferma ch'ils envierns vignan pli curts, era en regiuns pli autas. L'atun vegnia la naiv pli tard e la pirmaviara giaja ella pli baud.
En media dettia 12 dis pli tard naiv l'atun ch'anc l'onn 1970. La primavaira lieua la naiv percunter 25 dis pli baud. La naiv saja uschia pertutgada pli ferm la primavaira che l'atun.
Ch'ils envierns vegnian pli e pli chauds na sentian ins betg be en la Bassa mabain era en ils auts fin passa 2000 meters. Per il studi han l'universitad da Neuchatel ed il SLF duvrà las datas dad 11 staziuns meteorologicas en Svizra. Tut las staziuns, situadas tranter 1'100 e 2'500 meters sur mar, han mussà ina marcanta sminuziun dals dis da naiv. Plinavant vign constatà en la studia che l'auteza maximala da la naiv saja ida enavos per 25%.
Quand fitg che quest trend giaja enavant ils proxims onns na sappian ins betg dir sin fundament da la studia. Probablamain vignia dentant ad avair consequenzas per il sport d'enviern, dentant era per l'aua ch'è a disposiziun la stad.
RR novitads 09:00