Cunquai che las premias da las cassas da malsauns creschan, duain ins era pudair far pli autas deducziuns pauschalas tar la taglia federala directa. Suenter il Cussegl naziunal ha uss er il Cussegl dals chantuns decidì en quest senn. Las premias da las cassas da malsauns sajan numnadamain ina taxa obligatorica è fetschian part dals custs da viver, uschia ils aderents da l'idea.
Ina minoritad sanestra ha argumentà senza success, che passa la mesadad da la populaziun n'haja nagut da quest regal da taglia. Persunas cun pitschnas entradas na pajan numnadamain nagina taglia federala directa. Il minister da finanzas e cusseglier federal Ueli Maurer ha plinavant fatg attent sin il deficit en la cassa federala. Ultra da quai profiteschia il pajataglia mo minim da las midadas.
Pir mardi avevan las chombras federalas decis d'augmentar la franschisa minimala da 300 sin nov 350 francs.
RR novitads 11:00
