Siglir tar il cuntegn
Inhalt

Svizra PLD vul restar sin via bilarerala

La fracziun da la chasa federala da la Partida liberaldemocratica vul sviluppar vinavant ils contracts da l'UE.

Las bandieras da la Svizra e l'UE en il vent.
Legenda: La Partida liberaldemocratica svizra (PLD) vul restar sin la via bilarerala. Keystone

La fracziun liberaldemocratica da la Chasa federala vul restar sin la via bilaterala e sviluppar vinavant ils contracts cun l'UE. Ella refusa ch'i vegnia surprendì automaticamain dretg da l'UE e sustegna ina schliaziun cun ina dretgira da cumpromiss independenta. La fracziun da la PLD veglia salvar il proceder da dretg inclusiv il dretg da referendum, uschia communitgescha la partida liberaldemocratica. Per dismetter dispitas duai esser cumpetenta ina giunta maschadada.

Metter en pratica il dretg d'armas da l'UE

La fracziun da la PLD vul mantegnair las cunvegnas da Schengen e Dublin. Il dretg d'armas da l'UE vul la fracziun metter en pratica a moda nunbirocratica e cun resguardar las tradiziuns svizras. Cunter la realisaziun da quest dretg che fa part da la cunvegna da Schengen è vegnì smanatschà cun il referendum.

RR novitads 16:00