Siglir tar il cuntegn
Inhalt

Svizra PLD vul ina candidatura da la Svizra latina

Per la successiun dal Cusseglier federal Didier Burkhalter vul la Partida liberal-democratica (PLD) ina candidatura da la Svizra latina. La persunas stoppia esser entaifer la partida ma er ordaifer la partida ina persuna d’identificaziun e cun potenzial da mobilisaziun, scriva la PLD.

La persuna che vul candidar stoppia era avair bunas prestaziuns politicas entaifer la partida, scriva la PLD. Sco la partida scriva vinavant pon uss tut las secziuns chantunalas ed era las dunnas da la PLD ed ils giuvens liberals inoltrar candidaturas fin ils 11 d’avust.

Urari ambizius

A chaschun da la sesida dals 21 d'avust vul la suprastanza da la partida naziunala evaluar las candidaturas e far ina recumandaziun a la fracziun dal Parlament federal. Lezza vegn lura a decider sch’i dat ina nominaziun dad in, dus ni perfin trais candidats. Ella sessiun d'atun han lura lieu las audiziuns tar tschellas partidas ed ils 20 da settember è il di da l’elecziun da la nova cussegliera federala ni dal nov cusseglier federal e successur da Didier Burkhalter.

RR novitads 14:00