Siglir tar il cuntegn
Inhalt

Svizra PLD vul cumbatter cun «cor e cun spiert» per il success

Sper ils Verds e la PPS, han era ils liberals cumenzà oz il cumbat electoral: quai cun in «Di da la PLD» a Sursee. A passa 1'500 aderents e commembers da la PLD ha il president, Philipp Müller appellà da cumbatter cun «cor e cun spiert» per in success tar las elecziuns federalas l’atun.

Ils cussegliers federals Johann Schneider-Ammann (sanester) e Didier Burkhalter (dretg) cun lur president da partida Philipp Müller a Surses.
Legenda: Ils cussegliers federals Johann Schneider-Ammann e Didier Burkhalter cun il president da partida Philipp Müller. Keystone

Müller ha bain numnà l'occurrenza en la halla da la citad ina festa populara e betg in’occurrenza politica. Tuttina ha el fatg endament als preschents las valurs da basa da la PLD che sajan «libertad, uniun ed innovaziun».

RR novitads 18:00