PLD lascha maun liber a la fracziun

Per la successiun dal cusseglier federal Didier Burkhalter èn vinavant trais candidats en la cursa.

part da la fracziun da la pld en il Cussegl naziunal

Legenda da maletgs: La direcziun da la PLD na recumonda nagina persuna per la successiun al cusseglier federal Didier Burkhalter, uschia... Keystone

La direcziun da la Partida liberaldemocratica haja prendì enconuschientscha da las candidaturas da Isabelle Moret (VD), Ignazio Cassis (TI) e Pierre Maudet (GE). Ella na fetschia però nagina recumandaziun. Uschia hai num en la communicaziun.

Davart la nominaziun decida la finala la fracziun da la PLD e quai il prim da settember. La fracziun decida lura quants e tgenins dals candidats che vegnan proponids per l'elecziun.

L'Assamblea federala elegia il successur u la successura da Didier Burkhalter ils 20 da settember. Lez sa retira suenter otg onns en uffizi.

RR novitads 15:00