La PLD haja fatg buns resultats en las elecziuns en Svizra tudestga ed en il Tessin e quest schlantsch stoppia la partida uss nizzegiar. La parola saja «uss ubain mai».
Müller ha crititgà d’ina vart la «sanestra sfarlattusa» e da l’autra vart l’isolaziunissem da la PPS. La PLD haja ils megliers recepts che sa basan sin senn cuminaivel.
Cunter nova lescha da radio e televisiun
Ils Liberaldemocrats cusseglian da refusar la nova lescha da radio e televisiun. A Brig èn ils delegads da la PLD sa mess cun 136 cunter 78 vuschs cunter la nova lescha.
Cun gronda maioritad han ils Liberaldemocrats dentant decidì la parola gea en favur da la diagnostica da preimplantaziun. Senza cuntravusch è la PLD s'exprimida cunter l'iniziativa da stipendis. Davart l'iniziativa per ina taglia d'ierta n'è anc crudada nagina decisiun.
RR novitads 14:00