Siglir tar il cuntegn

Header

Navigaziun

Il Paradeplatz a Turitg
Legenda: Il Paradeplatz a Turitg, in simbol per l’impurtanza dal sectur da finanzas svizzer. Keystone
cuntegn

Svizra Plazza da finanzas Turitg – vinavant in juvel

Las bancas ed assicuranzas en la regiun da Turitg, Sviz e Zug èn da fitg gronda impurtanza, tant per la regiun sco era per l’entir sectur da finanzas svizzer. Ed era en cumparegliaziun internaziunala fa Turitg buna parita.

Ed il svilup da la plazza da finanzas da Turitg vegnia anc ad esser in zic pli dinamic quest onn e quel che vegn. Quest onn po ins far quint cun ina creschientscha da 1,5%. Quai è la prognosa da l’institut da perscrutaziun economica BAK Basilea. Quai saja pussaivel grazia a la situaziun economica, che saja sa meglierada en Svizra.

Sfidas che spetgan

Tant las bancas sco era las assicuranzas din en il studi da BAK Basilea, ch’ellas veglian promover la digitalisaziun. Anc da far dapli saja cun surdar servetschs a firmas externas, sco per exempel il traffic da pajaments.

Turitg lunsch ordavant

L’onn 2015 aveva la plazza da finanzas da Turitg procurà per 44% da l’entira creaziun da valur dal sectur da finanzas svizzer. Uschia è questa regiun lunsch ora il pli grond center da finanzas da la Svizra.

RR novitads 11:00