Siglir tar il cuntegn
Inhalt

Svizra Plazza aviatica – memia blera canera la notg

Ils aviuns a la plazza aviatica da Turitg fan memia blera canera la saira tard suenter las 23:00. Quai mussa in rapport da la plazza aviatica.

In aviun mo pauc sur ina chasa da pliras famiglias.
Legenda: Memia blera canera d'aviuns la notg. Keystone

Per l’emprima giada ha la plazza aviatica da Turitg preschentà in rapport davart las immissiuns da canera. Da quel resorta, che la canera dals aviuns durant il di è supportabla, la notg suenter las 23:00 vegnan las limitas da canera dentant surpassadas cleramain. Mesiraziuns da l'onn 2015 mussian, che la canera saja en ils chantuns Turitg, Argovia e Schaffusa la saira tard memia gronda. Quai cunzunt pervia d'aviuns gronds che partian memia tard.

Uffizialmain dastgan 500 aviuns per onn partir da la plazza aviatica da Turitg suenter las 23:00. Effectiv èn il 2015 però bunamain 1'800 aviuns partids suenter las 11:00 la notg. L'uffizi federal per l'aviatica civila pretenda ussa da la plazza aviatica da Turitg, da preschentar fin la fin dal 2017 mesiras cunter tals retards.

RR novitads 16:00