Siglir tar il cuntegn

Svizra Plaz en chasa da tgira custa en media 8'700 francs

Viver en ina chasa da tgira e d'attempads custa en media 8'700 francs il mais. Bunamain 2 terzs da quai pajan ils cussadents ord l'agen satg. Quai communitgescha l'Uffizi federal da statistica.

Persunal d'ina tgasa da tgira prepara in letg.
Legenda: Ils custs per l’agid e la tgira a chasa èn bunamain 5 giadas pli bass cumpareglià cun chasas da tgira e d'attempads. Keystone

Ils custs totals per las prestaziuns en las chasas da tgira e d'attempads han muntà l'onn passà a 9,5 milliardas francs. Da quai han ils cussadents pajà 5,4 milliardas francs per la dimora e 540 milliuns francs per la tgira.

Dapli che la mesadad da las persunas sur 80 dovran tgira

Tenor l’uffizi han bunamain 269’000 persunas fatg diever da las prestaziuns da la Spitex durant l’onn 2014. Quai èn dubel uschè bleras persunas sco en chasas da tgira e d’attempads.

Da 100 persunas a partir da 80 onns han 27 survegnì tgira a chasa. 30 han passentà in pli lung temp en ina chasa da tgira. Da 100 persunas a partir da 90 onns vivan 64% en ina chasa da tgira.

RR novitads 12:00