Dapi mais èn ils centers da fitness serrads pervi da la pandemia da corona. Uss proceda la branscha legalmain cunter questa serrada sfurzada: L’uniun dals centers da fitness ha inoltrà in plant cunter la Confederaziun. Quai rapporta il «Sonntagsblick».
I sa tractia d’in plant exemplaric d’in center a Berna. Il possessur pretenda che la Confederaziun indemniseschia el cun 260'000 francs. Il Cussegl federal n’haja betg sclerì il risico da s’infectar en centers da fitness e giuditgà la situaziun nunponderadamain, uschia l’argumentaziun.
Il plant duaja facilitar ulteriuras pretensiuns d’indemnisaziun da la branscha da fitness.