Per promover il turissem u per l'agricultura duain ils chantuns pudair relaschar reglas spezialas, betg conformas a la lescha federala davart la planisaziun dal territori. Dentant ston ils chantuns cumpensar las excepziuns. En tut na dastg'il diever ordaifer las zonas da construcziun betg esser pli grond, pli intensiv u pli mulestus che fin qua.
Il Cussegl federal aveva gia il december 2014 fatg ina proposta per la nova lescha davart la planisaziun dal territori. Ma lezza è vegnida crititgada fermamai. Tar las midadas proponidas ussa sa tracti d'in emprim sboz surlavurà. Intgins elements da la proposta veglia èn anc en en quella. Plinavant duai da nov er il tegnair animals pitschens sco hobby vegnir reglà.
Questas propostas fa il Cussegl federal en connex cun reveder la lescha davart la planisaziun dal territori.
RR novitads 16:00