La Confederaziun, ils chantuns e las vischnancas vulan agir a moda communabla cunter la radicalisaziun e l’extremissem violent. A Berna han la cussegliera federala Simonetta Sommaruga e divers represchentants dals chantuns e da las citads preschentà in plan d’acziun naziunal.
Quai plan fa part da la strategia naziunala cunter il terrorissem. Las 26 mesiras duain vegnir realisadas entaifer tschintg onns. Il Cussegl federal ha decidì l’emna passada da metter a disposiziun tschintg milliuns francs per realisar il program d’impuls.
RR novitads 11:00