Siglir tar il cuntegn
Inhalt

Svizra Pitschna amnestia da taglia porta 25 milliardas a la glisch

Dapi il 2010 èn vegnidas a la glisch 25 milliardas francs entras l'uschenumnada pitschna amnestia da taglia. Quai communitgescha l'administraziun da taglia federala.

Valisch cun blers daners.
Legenda: Nagin sa propi quants raps ch'èn vegnids rabitschads dascus sper las autoritads fiscalas speravia. Keystone

Igl è il resultat da retschertgas tar 21 administraziuns da taglia.

Cun la pitschna amnestia da taglia èsi pussaivel d'annunziar ina giada en la vita daners nairs senza vegnir chastià. Il 2014 hai dà bunamain 5100 autodenunzias. Ils onns avant fuvan quai tranter 3000 e 4000. L'onn 2015 èn las autodenunzias lura sbassadas sut 2000. Tenor l'Administraziun federala da taglia (AFT) n'èn per quest onn anc betg tuttas annunzias vegnidas tschiffadas. Segund valitaziun pudess quai dentant esser ch'i ha da medem blera autodenunzias sco il 2014.

Quants daners che questas 25 milliardas portan effectiv a la confederaziun, chantuns e vischnancas na dattan las administraziuns da taglia betg enconuschent.

Las ciffras publitgadas suprassan dentant las spetgas lunschora.

RR novitads 20:00