L'iniziativa pretenda d'auzar la vegliadetgna per las controllas regularas da 70 sin 75 onns.
Actualmain è reglamentà che a partir da 70 onns ston ins mintga dus onns ir tar ina controlla dal medi nua che la vesida e la constituziun en general vegnan controlladas. Per la maioritad dal Cussegl dals chantuns è quai memia baud, la populaziun saja ozendi pli ditg sauna. La regulaziun vertenta saja vegnida introducida avant 50 onns, gia ord motivs aritmetics saja perquai d'auzar la vegliadetgna per las controllas regularas, ha ditg per exempel Werner Hösli PPS/GL.
Prender sut la marella ils chastis per rowdys
Ils chastis draconics ch'i dat dapi il 2013 cunter rowdys fruntan sin critica. Il Cussegl dals chantuns na vul dentant betg gia midar puspè las normas. El ha persuenter incumbensà il Cussegl federal d'examinar l'effect dal pachet da mesiras Via sicura. En connex cun quest pachet èn vegnids introducids ils chastis severs cunter rowdys.
RR novitads 14:00