Siglir tar il cuntegn
Inhalt

Svizra Pilot alcoholisà è vegnì impedì

In pilot alcoholisà vuleva partir da Stuttgart vers Lissabon. In collavuratur da la plazza aviatica ha impedì el.

Cockpit.
Legenda: Il pilot preparava gia il cockpit per sgular. (maletg simbolic) Keystone

L'um da 40 onns era gia vi da preparar il cockpit per sgular da Stuttgart a Lissabon. Ad in collavuratur da la plazza aviatica era dentant dà en egl ch'il pilot gieva sin chommas malsegiras e ch'el savurava d'alcohol. Sin quai ha el infurmà l'inspecziun da traffic aviatic e la polizia. Uschia ha el pudì impedir, ch'il pilot alcoholisà metta en privel ils 106 passagiers.

Quels han stuì passentar la notg en in hotel, cunquai ch'i na steva betg a disposiziun ina crew, ch'avess pudì surpigliar il sgol.

Cauziun da 10'000 francs

La procura publica e la polizia examineschan il cas. Per entant avevan els arrestà il pertutgà. Grazia ad ina cauziun da 10'000 euros è el per entant però puspè liber. Sia licenza da sgular è vegnida confiscada.

RR novitads 10:00