Il constructur d'aviuns Pilatus dastga furnir l'emprim jet da fatschenta PC-24. L'aviun ha survegnì ier il certificat da las autoritads europeicas ed americanas.
Il schaner duai l'emprim jet sgular en ils Stadis Unids e vegnir surdà là a la clientella. L'auter onn vul Pilatus furnir 23 dals 84 aviuns empustads a clientella da l'entir mund.
Per il program da certificaziun saja Pilatus sgulà cun prototips passa 2’200 uras da cundiziuns extremas sco fradaglias e chaliras extremas, en gronda autezza ed a la limita da la spertadad.