Siglir tar il cuntegn

Svizra Pilatus cun resultat da record

Il constructur d'eroplans svizzer Pilatus ha fatg l'onn passà in resultat da record. La svieuta è s'augmentà per 16% sin 1,2 milliardas francs.

In aviun Pilatus PC-21 da l’armada svizra.
Legenda: In aviun Pilatus PC-21 da l’armada svizra. Keystone

Sco quai che Pilatus communitgescha saja quai il meglier resultat en l'istorgia da passa 75 onns da l'interpresa. En total ha Pilatus construì l'onn passà 127 eroplans, 15 dapli che l'onn avant. Il dumber da collavuraturs è creschì per 130 sin total 1’882 engaschads cumplains.

RR novitads 18.00