Pievel svizzer decida davart lescha dal servetsch secret

La nova lescha dal servetsch secret vegn avant il pievel svizzer. La «Allianza cunter in stadi da spiunadi» ha rimnà avunda suttascripziuns per il referendum. Cun la nova lescha dastga il servetsch secret tadlar giu telefons e zuppar microfons en stanzas privatas.

Cun la nova lescha dastga il servetsch secret tranter auter tadlar giu telefons.

Legenda da maletgs: Cun la nova lescha dastga il servetsch secret tranter auter tadlar giu telefons. Keystone

Els hajan rimnà radund 60'000 suttascripziuns, ha ditg il president dals giuvens socialists, Fabian Molina en in'intervista cun blick.ch. Las suttascripziuns stoppian anc vegnir autentifitgadas. Els quintan dentant da pudair inoltrar ils 14 da schaner il referendum.

RR novitads 17:00