Siglir tar il cuntegn

Header

cuntegn

Svizra Pievel duai er decider davart la lescha da reproducziun

Il comité neutral ha rimnà las suttascripziuns necessarias per in referendum cunter la lescha davart la reproducziun. Tenor il pledader Dirk Meisel hajan els rimnà 62'000 suttascripziuns. Il fanadur passà aveva il suveran svizzer ditg gea a la diagnostica da preimplantaziun cun 61,9% da las vuschs.

Las suttascripziuns sajan il mument anc tar las vischnancas per laschar verifitgar ellas. La Partida evangelica da la Svizra vul impedir che la diagnostica da preimplantaziun vegn applitgada a moda arbitrara e nunlimitada. La EVP po quintar cun il sustegn da la PCD e da la PPS.

Suveran aveva gia ditg gea

Il fanadur passà aveva il suveran svizzer acceptà la midada da la constituziun per la diagnostica da preimplantaziun – quai cleramain cun 61,9% da las vuschs. La votaziun ha dentant be creà ina premissa medicinala da pudair examinar geneticamain ils embrios ch’èn vegnids fructifitgads artifizialmain, avant ch’els vegnan implantads en la madra.

La diagnostica da preimplantaziun sco tala, las reglas ch’ins sto resguardar e las restricziuns ch’i dat qua, è dentant fixada en la lescha da la medischina da reproducziun. E davart quella vegnia ussa pli probabel il pievel svizzer a stuair decider.

RR novitads 17:00

Artitgels legids il pli savens