Siglir tar il cuntegn

Header

Video
Il referendum cunter il segund tunnel dal Gottard
Or da Actualitad video dals 13.01.2015.
laschar ir
cuntegn

Svizra Pievel decida davart segund tunnel al Gottard

Il pievel duai decider schebain i vegn construì in segund tunnel d’autos al Gottard u betg.

Ils adversaris d'in segund tunnel al Gottard han inoltrà oz il referendum cun passa 75’000 suttascripziuns, quai malgrà ch'els han rimnà 125'000 suttascripziuns. Necessari per in referendum fissan 50’000 suttascripziuns.

Sco quai ch’in pledader da l’uniun “Na ad in segund tunnel al Gottard” ha ditg, mussia il grond numer da suttascripziuns ch’il patratg da la protecziun da las alps saja fitg ferm en Svizra.

Tant il Cussegl federal sco er parlament federal èn da l’avis ch’i dovria in segund tunnel d’autos al Gottard per pudair sanar il tunnel existent.

Da quest avis è era vinavant la regenza grischuna. Tenor il cusseglier guvernativ Mario Cavigelli saja il chantun Grischun pertutgà sco emprim, sche la ruta dal Gotthard stuessia vegnir serrada per sanar il tunnel, perquai ch’il San Bernardino saja l’emprima ruta da sviament.

San Bernardino tut auter che Gottard

E quella na saja betg adattada sco ruta da sviament, perquai che la ruta dal Gotthard saja fitg differenta a quella dal San Bernardino. La via tras il Gotthard saja ina via naziunala, cun 4 vials, platta, cun paucas stortas e bler capacitad. Quella dal San Bernardino saja perencunter ina via da pass, cun pli bleras stortas, pli taissa ed haja ina pli bassa capacitad che la ruta dal Gotthard.