Siglir tar il cuntegn
cuntegn

Svizra Pierre Maudet segua a Hans-Jürg Käser

Il Genevrin daventa president da la Conferenza dals directurs chantunals da polizia e giustia.

Pierre Maudet.
Legenda: Pierre Maudet, il nov president da la Conferenza dals directurs chantunals da polizia e giustia. Keystone

Il directur da segirtad dal chantun Genevra, Pierre Maudet è vegnì elegì sco nov president da la Conferenza dals directurs chantunals da polizia e giustia (KKJPD). Maudet surpiglia quest uffizi davent dad immediat. Maudet ha 40 onns e daventa successur dal Bernais Hans-Jürg Käser ch'è sa retratg suenter 6 onns.

Dapi il 2016 presidiescha Maudet gia la Conferenza dals directurs da polizia e giustia da la Svizra franzosa. E dapi il 2013 fa el part da la suprastanza da la KKJPD ed ha uschia gia bunas enconuschientschas dals dossiers. Il cusseglier guvernativ da Genevra è stà il settember passà candidat per il Cussegl federal. Là ha el stuì suttacumber ad Ignazio Cassis.

RR novitads 11:00