Siglir tar il cuntegn
Inhalt

Svizra Pierre Aubert è mort

L'anteriur Cusseglier federal Pierre Aubert è mort en la vegliadetgna da 89 onns, quai communitgescha sia famiglia.

Pierre Aubert.
Legenda: Pierre Aubert era sa retratg il 1987 dal Cussegl federal. Keystone

Il politicher da la partida socialdemocratica è stà commember dal Cussegl federal dal 1978 fin il 1987. Aubert è stà minister da l'exteriur e duas giadas president da la Confederaziun.

L'advocat da la Chaux-de-Fonds (NE) aveva cumenzà sia carriera politica sin champ communal e chantunal. Il 1971 è Aubert lura vegnì elegì en il Cussegl dals chantuns. Ils 7 da december 1977 è el vegnì elegì sco Cusseglier federal. Diesch onns ha Aubert timunà il Departament federal d'affars exteriurs. Il 1983 ed il 1987 è el stà president da la Confederaziun. Il medem onn ha Aubert lura prendì cumià da Berna.

Engaschament invan per in'adesiun a l'ONU

Aubert è s'engaschà fitg per la politica da svilup sco er per ils dretgs umans. Tranter auter è el er s'engaschà per in'adesiun a las Naziuns Unidas, ch'era però vegnida refusada l'emprim il 1986.

RR novitads 12:00