Siglir tar il cuntegn
cuntegn

Svizra Pierin Vincenz sa retira da la Helvetia

L'anteriur schef da la banca Raiffeisen, Pierin Vincenz sa retira sco president dal cussegl d'administraziun da la Helvetia. Quai ha communitgà l'assicuranza. Motiv saja la procedura penala da la surveglianza dal martgà da finanzas FINMA cunter el.

Legenda: Guardar il video Pierin Vincenz sa retira da la Helvetia. Durada 01:50 minutas.
Or da Telesguard dals 18.12.2017.

Ils ultims dis saja vegnì cler che la procedura penala na sa laschia betg accelerar. Uschia na vegnia quella betg ad esser serrada giu sin la proxima radunanza generala da la Helvetia l'avrigl, uschia Vincenz.

Las malsegirezzas constantas e las consequenzas da las medias che rapportian hajan muventà el da demissiunar per immediat.

L’assicuranza Helvetia n'è betg pertutgada da las investigaziuns. Il cussegl d'administraziun deplorescha sia decisiun. Dapi il 2000 fa el part dal cussegl d’administraziun. L'october 2015 era el suenter sia retratga sco schef da la banca Raiffeisen il president dal cussegl d’administraziun.

Nova presidenta ad interim daventa Doris Russi Schurter fin la radunanza generala dals 20 d’avrigl 2018 che decida alura la successiun definitiva.

RR novitads 08:00