3 persunas che duajan avair engulà datas da passa 130’000 cartas da credit ston sa responsar avant il tribunal federal penal. Cun e-mails u paginas d'internet falsifitgadas duajan els avair intervegnì las datas persunalas da las unfrendas.
La summa da donn muntia a plirs milliuns francs.
Tranter ils donnegiads tutgian possessurs da cartas da credit e bancas svizras.
Ils delinquents probabels èn stads activs en l'entir mund, n'han però mai abità en Svizra. Suenter lur arrestaziun en Tailanda eran els vegnids surdads a la Svizra.
RR novitads 15:00